Hernaniko mutilek ezin hobeto hasi dute denboraldia, Euskal Ligara itzuli diren honetan. Aurreko urtean talderik gabe izan eta gero, aurten bueltatu dira Euskal Ligako Lehenengo mailan, eta oraingoz hirutik hiru garaipen eskuratu dituzte. Azkena pasa den asteburuan Arizmendi ikastolaren aurka, Aretxabaletan. Hernaniarrak nagusi izan ziren eta garaipen borobila lortu zuten (0-3) 12-25, 19-25 eta 18-25eko partzialekin. Markagailuak erakusten duen bezala jaun eta jabe izan ziren bisitariak.