Gogotsu izaten dira Hernaniko jubilatuak, Goiz Eguzkik prestatutako irteera eta bidaietan parte hartzeko. Eta aurrekoen arrakasta ikusita, bi txandatan antolatu dute hurrengo irteera: Laguardiara joango dira urriaren 23an eta 25ean. La Casa Encantada museoa bisitatuko dute aurrena, Errioxako museo etnografikoa, Brionesen. Ondoren, bodega bat bisitatu eta ardo dastaketa egingo dute Laguardian. Eta bertako jatetxe batean bazkalduko dute, azkenik.
Irteeraren bi txandetarako, izenematea zabalik dago, Goiz Eguzkin bertan, urriaren 11ra arte. Plaza kopurua baino jende gehiago apuntatuko balitz, zozketa egingo lukete urriaren 14an, goizeko 11:00etan.