Festa berrienak izan arren, saltsa ederra pizten dute Zelabideko Jaiek, urtez urte. Eta halaxe gertatu da aurtengoan ere. Egun haundia izan zen atzokoa auzoan, jolas, apar, paella, bertso, dantza, txokolate, bingo eta musika artean.
Eta aurreneko bi egunetan bizitakoei errematea jartzeko, bi ekintza klasiko antolatu dituzte gaur eguerdirako, 12:00etan hasita: patata tortilla lehiaketa eta sagardo dastaketa, Gabriel Zelaia plazan.
Jan-edanaz luze gozatu ahal izango dute bertaratuek, eta 14:00etan emango diete amaiera aurtengo jaiei. Orduan, dena gabitzeko txanda izango da, eta dei egin diete auzotar guztiei.
