'Soinu magikoak' tailerra antolatu du Kaxko elkarteak, ikasturte honetarako. Urriaren 1ean hasiko da tailerra, Biteri Kultur Etxean. 0-3 urteko haurrentzat dago zuzendua, eta asteartero izango dira tailerrak, bi txandetan banatuta: aurrenekoa 10:00etatik 10:45etara, eta bigarrena 11:00etatik 11:45etara. Doakoa izango da, baina izena eman behar da aldez aurretik: 608 193 701 telefono zenbakira deituta, edota fino@musikanaiz.com helbide elektronikora idatzita. Informazio gehiago, musikanaiz.com webgunean dago eskuragarri.