Larunbat honetan jokatuko dute Barrenetxea IV.ak eta Ansa II.ak Buruz Buruko txapelketako final haundia. Bi erremontistak sasoi betean iritsi dira fase erabakigarrira, eta maila haundiko partidua espero da Galarretan.
Larunbata iritsi aurretik, ordea, lan pixka bat egin beharko dute biek. Gaur bertan egingo dute finaleko materialaren hautaketa, eta ikusi beharko da zein pelota mota aukeratzen duen bakoitzak. Pelota bixien zaleak izaten dira biak, baina finalerako estrategiaren arabera aldatu daiteke hori.
Larunbateko jaialdia arratsaldeko 16:30etan hasiko da, eta hiru partiduetatik bigarrena izango da final haundia. Aurretik Aldabe-Apezetxea / Goikoetxea V-Martirena partidua izango da, eta ondoren Ezkurra II-Zubiri / Jabalera-Azpiroz norgehiagoka.