Amaitzear dago Hernaniko Udal Euskaltegiko matrikulazio epea. Bihar arte eman daiteke izena 2024-2025 ikasturtean euskera ikasteko edo hobetzeko eskoletan.
Aurtengoan ere eskaintza oparoa dauka Euskaltegiak, maila guztientzat prestatutako saioekin. Aurrez aurreko klaseez gain, autoikaskuntzarako aukerak ere eskaintzen ditu. «Euskera titulu ofizialak prestatzeko eskolak ematen dira Udal Euskaltegian eta HABEren titulu ofizialak bertan lortzeko aukera ere badago», gehitu dute.
Laguntza ekonomikoak euskera ikasi nahi dutenentzat
Hernaniko Udalak laguntza bereziak ematen ditu euskera ikastera animatzeko. Hernanin erroldatutako herritar guztien matrikularen %70a hartzen du bere gain Udalak. Horrez gain, ikasle, erretiratu edo aniztasun funtzionala duten pertsonek %90eko hobaria dute.
|
INFORMAZIO GEHIAGO BEHAR DUTENENTZAT: Helbidea Emaila Telefonoa Ordutegia |