Udaleko Euskera eta Kulturarteko sailek, Amherrekin batera, etorriberriei euskera irakasteko bolondresen bilera deitu dute. Gaur izango da saioa, arratsaldeko 18:30etan, Kulturarteko Plaza Feministan.
Antolatzaileek herritar guztiei egin diete bertaratzeko deia, euskaldunak etorriberriengana hurbiltzearen garrantzia nabarmenduz: «Haiek adina jasoko dugu guk euskaldun bezala; baina baita pertsona bezala ere, harremanek iraun egingo baitute».
Zortzi bolondres aritu ziren aurreko ikasturtean
Iazko datuak ere eman dituzte Amherreko kideek. Zortzi bolondres aritu ziren hemezortzi etorriberriri euskerarekin eta euskal kulturarekin lehenengo harremana egiten.