Ez dio batere gaizki ekin denboraldi berriari, Hernaniko mutil jubenilen taldeak, Liga Nazionalean. Partidu zaila zeukaten Gasteizen, Deportivo Alavesen kontra; eta puntu bat ekarri zuten bertatik, meritu haundiko berdinketa lortuta. Atea hutsean mantendu zuten berdeek, talde gogor baten aurrean, eta 0-0 berdindu zuten arabarrekin.
Datorren asteburuan jokatuko dute estreinako etxean, eta partidu gogorra izango dute hori ere: Eibarren bisita jasoko dute Zubipen.