Euskal Jaiek eguraldi ezin hobearekin bizi izan zuten atzoko eguna. Eguzkia eta giro freskoa nagusi, jende ugari irten zen kalera Euskal Jaiez gozatzera. Kaleak jendez gainezka izan ziren eta irudi ederrak ikusi ziren euskal jantziek apainduta.
Gaur jarraituko du Euskal Jaiak egitarau potentearekin. Goizean goiz jarriko dira artisau azokako postuak eta sagardo arekin bustiko dira zintzurrak dastaketan. Trikitixa jaialdia, eta pelota partiduak ere izango dira eguerdian eta arratsaldean dantza ikuskizun ibiltariak itxiko du egitaraua.
EUSKAL JAIAK
HERNANI
GAUR
09:00 Diana.
10:00 43. Pablo Lasa Artisau Azoka Tilosetan.
11:00 Sagardo dastatzea
Gudarien plazan.
12:00 Trikitixa jaialdia
Gudarien plazan.
12:30 Pelota partiduak (esku eta pala) Tilosetako frontoian.
19:00 Kukai eta Euskorleans dantza ikuskizun ibiltaria
Gudarien plazatik.
IRAILAK 20
19:00 Asturiar konexioa. Asturias eta Euskal Herriko dantza eta musika emanaldia Atsegindegin.
IRAILAK 21
18:00 Erromeria Oinkada
taldearekin Plaza Berrin.