Futbola ikusi nahi duenak Hernanin jadanik badu aukera gaur hasita. Gipuzkoa mailako futbola oraindik ez da hasiko modu ofizialean, baina bai Euskal Herri mailan. Honela, gaur 16:00etatik aurrera, Hernaniko Euskal Ligako neskak aurtengo denboraldiko debuta egingo dute Zubipen. Aurkaria arabarra izango da, Altzarrate-Laudio taldea.
Arabara bisita egingo dutenak, Hernaniko Jubenil Nazional mailako taldeko kideak izango dira. Bihar jokatuko dute denboraldiko lehenengo partidu ofiziala, 17:00etatik aurrera Deportivo Alaves B talde indartsuaren aurka. Jose Luis Compañon futbol zelaian neurtuko dituzte indarrak. Taldeen maila jakitea zaila da denboraldi hasiera honetan eta lehenengo bi partidu hauek neurgailu izan daitezke.