Ikasturtea heltzear dagoen honetan, Buruntzaldeako Kontseilu Sozialistak ikasmaterialaren bilketa eta banaketa egingo du Hernanin eta Andoainen. Andoainen banaketa zein bilketa Igara Espazioan egingo da, Eskola kalea 4 behea, helbidean. Hernanin, berriz, Kontrakantxa Gaztetxean. Ikasmaterialaren bilketa, Andoainen, abuztuaren 30ean (11:00-13:00) eta irailaren 3an (17:00-19:00) egingo dute. Eta banaketa, irailaren 11n (18:00-20:00). Hernanin, berriz, bilketa irailaren 4an egingo da (16:00-20:00), eta banaketa, irailaren 7an (11:00-13:00). Oinarrizko bitarteko prezio gorakadaren aurrean, langileriaren bizi-baldintzen aldeko dinamikak martxan jartzea funtsezkoa dela adierazi dute Kontseilu Sozialistako kideek.