Larunbat honetarako jarri dute hitzordua, Zubipen, presoen aldeko lagunarteko Futbol 7 Txapelketa jokatzeko. 08:30etan elkartuko dira, taldeak osatzeko; eta 09:00etan hasiko da torneoa.
Txapelketa ohiko giro onean jokatu ondoren, berriz, bazkaria egingo dute Atsegindegin, Andoni Ollokiegi musikari eta abeslariaren emanaldia ere izango da, eta kale buelta musikatua arratsaldean, eguna borobiltzeko.
Torneoan parte hartu nahi dutenek, biharkoa dute izena emateko azkeneko eguna. Hiru bide daude horretarako: Garin tabernara jo, @futbol7hernani kontura idatzi Instagram bidez, edo 608 745 267 zenbakira whatsappez. Txapelketan parte hartzea 10 euro dira, eta bazkaria barne 15 euro. Bazkarirako txartelak astelehenera arte eskuratu zitezkeen, 10 euroan.
Txapelketako talde onenek saria izango dute. Zehazki, otordua emango diete bi talde onenei, eta hirugarren talde bati ere bai zozketan, Tripontzi jatetxean eta Oialume Zar eta Larre Gain sagardotegietan.