Bi hilabete barru, urriaren 25ean eta 26an, izango da 'Ura bere bidean' jaialdia, Barakaldoko BECen. Eta kontzertu sorta horretan hartuko du parte Uxue Amonarriz musikari eta abeslari hernaniarrak, Josune Arakistain Huntzako taldekide ohiarekin batera.
Makina bat musikari eta abeslari ezagun ariko dira jaialdi horretan, eta eskainiko dituzte Fernando Velazquezek konposatutako orkestra-bertsioak, Bilboko Orkestra Sinfonikoak eta Bilboko Koral Elkarteak lagunduta. Honakoak dira, aurtengo edizioan parte hartuko duten artistak: Olaia Intziarte, Janus Lester, Idoia, Bulego, Esti Markez, Zetak, Olatz Salvador, Nøgen, Maren, Izaro, Eñaut Elorrieta, ETS, Kalakan, Gatibu, Zea Mays, Mikel Urdangarin, Jorge Drexler, Sorotan Bele, Mikel Markez, Su Ta Gar, Reincidentes, Celtas Cortos eta Doctor Deseo.
Sarrerak agortuta daude.