Kalean da Iñaki Sainz de Murietaren 'Ik'hue, Lazos de sangre' liburua. Hernanin bizi den gionista, antropologo eta idazleak, urteak daramatza literatura egiten, Espainiako, Argentinako zein Estatu Batuetako argitaletxeekin elkarlanean. Komikia, narratiba eta entsaioa dira gehien landu dituen generoak, baita aitortza gehienak jaso dituztenak. Oraingoan, kalean da bere azken lana: 'Ik'hue, Lazos de sangre'. Eleberria lehen aldiz duela 15 urte Argentinan plazaratu bazen ere, orain berrargitaratu egin du Espainiako Verbum argitaletxeak.