Irulegiko aztarnategia ezagutzeko irteera antolatu du Hernaniko Udalak, irailaren 1erako. Izena emateko aukera zabalik dago oraindik, Biteri Kultur Etxean. 5 euro ordaindu beharko dituzte interesa duten herritarrek, eta prezioaren barne daude autobuseko bidaia eta aztarnategira sarrera. Izen ematea zabalik egongo da autobuseko plaza guztiak bete arte.
Irulegiko aztarnategi arkeologikoa Nafarroako Aranguren ibarrean dago. Burdinaren Lehen Aroan datatua dago, eta baskoien lurraldea ezagutzeko aukera paregabea izan daiteke.
Animatzen diren herritarrek, Aranzadi Zientzia Elkarteko kideen azalpenak entzuteko aukera izango dute. Izan ere, Irulegiko Aztarnategian barrena bisita gidatua eskainiko diete, guztia xehetasunez ezagutu ahal izateko.