Etzi izango da Buruz Buruko Txapelketaren azkeneko kanporaketa, ligaxkara sailkatzeko: Javier Urriza eta Xabier Azpiroz izango dira aurrez aurre, azkeneko plaza eskuratzeko. Horrekin bukatuko da torneoaren aurreneko fasea, uztailaren 16an hasi eta 13 partidu izan dituena.
Joan den larunbatean, Azpirozek Aimar Jabalera menderatu zuen (30-15), eta azkeneko urratsa eman nahi du etzi, baina nabarmen gogorragoa izango du kontrarioa. Ligaxkan, Endika Barrenetxea, Imanol Ansa eta Aritz Juanenea dauzkate zain.
Larunbateko zita nagusiaren aurretik, beste jaialdi bat ere izango da gaur arratsaldean, Galarretan. Hiru partidu jokatuko dituzte, 16:30etan hasita: Irazu-Apezetxea/Susperregi-Eskudero; Ansa II-Martirena/Ezkurra II-Larrañaga; eta Jabalera-Juanenea/Segurola-Zubiri.