Dena ondo bidean, gaur bukatuko dituzte Elkano kaleko asfaltatze lanak, eta lur berrituarekin bueltatuko da normaltasunera trafikoa, bihartik aurrera. Oinezko herritarrek, ordea, obrak bukatu aurretik 'probatu' nahi izan dute: atzo asfalto berria bota eta berehala, makina bat herritarrek gurutzatu zuten kalea bertatik.
Astelehenean hasi zituzten asfaltatze lanak, eta aurreko lurra kendu zuten lehenengo egunean. Atzo, berriz, lur berria bota eta zapaldu zuten. Kalea itxita dago ibilgailuentzat, eta autobus zerbitzuetan ere aldaketak izan dira: hiribusak zein Goizuetako autobusak, Txirrita kalean dute geltokia, obrak bukatu arte.