Atarrabiyo parkea berritzeko eta inklusiboagoa egiteko aurreproiektua prestatu du Hernaniko Udalak. Orain, egindako lana kontrastatu nahi dute Latsunbe Berriko bizilagunekin, eta gaur arratsaldean jarri dute horretarako hitzordua. 19:00etan izango da aurkezpena, Iturritxo elkartean (Latsunbe Berri 32).
Bileraren helburua bizilagunen zalantzak argitzea eta ekarpenak jasotzea da, Atarrabiyo parkearen berrikuntza ahalik eta osatuena izan dadin: «Helburua da Atarrabiyon adin desberdinetako herritarrentzako elementuak izango dituen parke inklusiboa sortzea, belaunaldien arteko harremana sustatzeko».