Gibelalde Auzo Elkarteak antolatuta, Mexikoko doinu eta abesti ezagunekin gozatzeko aukera izan zuten atzo Lizeagako bizilagunek. Mariachis Aguilas de Jalisco taldearen kontzertua izan zen Urumea Ikastolako jolastokian, eta bizilagun ugari elkartu ziren bertan. Abesteaz gain, zintzurra freskatzeko aukera ere izan zuten bertaratu zirenek.
Antolatzaileek jantzi mexikarrak eramateko proposamena egin zuten, eta asko bertaratu ziren pontxo eta guzti.
