Santiotako asteburu luzea aprobetxatuta, Pirinioetan lau etapa egingo dituzte Mendiriz Mendiko kideek. Pineta bailararen inguruetan ibiltzea da proposamena, bertako aterpea aprobetxatu eta ingurua ezagutzeko.
25ean goizeko 08:00etan aterako dira Atsegindegitik, eta bertara iristean 3 kilometroko ibilaldi txiki bat egingo dute. Etapa gogorrena bigarren egunekoa izango da. 24 kilometroko ibilbidea osatuko dute, 1.200 metroko desnibel positiboarekin. 7-8 orduko bidea Barrosako haranetik barrena egingo dute, Barrosako zirkua barrutik ezagutzeko.
Mendiriz Menditik nabarmendu dute zailtasun berezirik gabeko esperientzia izango dela, nahiz eta bertigo haundia dutenentzat ez den gomendagarriena.
Astelehenera arte eman daiteke izena, elkartearen lokalean (Iturregi plaza), gaur eta astelehenean bertan 20:00etatik 21:00etara: elkarteko bazkideek 175 euro, eta bazkide ez direnek 200 euro. Izena emateko ezinbestekoa da federatuta egotea Pirinioetako aseguruarekin.