'Kantu eta bertso ibilbide bat bollologiaren kartelgintzan barna'. Horrela izendatu dute Kulturarteko Plaza Feministako kideek astelehen arratsaldean (19:00) egingo duten jarduera berezia.
Bollologia erakusketaren harira, bertan ikusgai dauden kartelen artean bertsotan arituko dira Eli Pagola eta Maialen Lujanbio, eta ondoren bizpahiru abesti joko ditu Anari Alberdi abeslariak.