Udaren sinonimo dira aire zabaleko dibertsioa, hondartzak, igerilekuak eta ur-kirolak. Hala ere, aisialdiko une horien atzean ezkutatzen da gure entzumen- osasunari larriki eragin diezaiokeen etsai ixil bat: otitisa.
Zer da otitisa eta zergatik ematen da udan?
Otitisa entzumenaren inflamazio bat da eta bereziki ohikoa izaten da udako hilabeteetan. Kanpoko otitisa, 'igerilariaren belarria' ere esaten zaiona, ohikoena da urte sasoi honetan. Igeri egin ondoren ura belarrian geratzen denean gertatzen da.
Otitisaren ondorioak
Ohiko sintomen artean daude min handia, ziztada, gorritasuna eta, kasu larrietan, entzumena aldi baterako galtzea. Infekzioak aurrera egiten badu, konplikazio larriagoak eragin ditzake, hala nola infekzio kronikoak, tinpanoa zulatzea eta entzumena betirako galtzea.
Prebentzioa: Entzumen osasungarrirako gakoa
1. Modu egokian lehortzea: Igeri egin ondoren, ziurtatu belarriak ondo lehortzen dituzula, burua alde bakoitzera okertuta, ura errazago ateratzeko.
2. Belarrietarako tapoiak erabiltzea: belarrietarako tapoiak uraren aurkako hesi bikaina dira.
3. Saihestu ur kutsatuak: Ahal den guztietan, aukeratu ondo mantendutako ur garbietan igeri egitea.
4. Zaintza pertsonala: Belarrian higiene ona mantendu, argizaria pilatzea saihestuz. Otitisa izateko joera baduzu, kontsultatu espezialista bati azterketa erregular bat egiteko.
Udaz eta uretako jarduerez gozatzeak ez du gure entzumen-osasunaren zaintzarekin liskartuta egon behar. Otitisa neurri egokiekin erabat ekidin daiteke. Gogoratu, zure belarriak babestea ongizate orokorrean eta osasunean inbertitzea dela epe luzera.