Azpeitian dira Udaleku Ibiltarietako gaztetxoak, astebeteko abenturaren azkeneko orduez gozatzen. Zarautzen hasi, eta Getarian, Aizarnazabalen eta Zestoan barrena iritsi ziren atzo arratsaldean Azpeitiara. Bertan egingo dituzte azkeneko bi egunak, igerilekuan eta jolas artean, besteak beste. Bost egun intentso bizitu dituzte orain arte, eguneroko ibilbidea ez ezik, beste hainbat jarduera ere izan baitituzte: piraguan ibili ziren Getarian, Ekainberriko kobazuloak bisitatu zituzten Zestoan, bertso saioaz gozatu zuten Aizarnazabalen...