'Suzko irudiak' liburu-proiektua sortu du Nagore Legarreta argazkilari hernaniarrak, eta kanpaina jarri du martxan interneten, liburua eskuratzeko eta proiektua babesteko. Bihar arte dago horretarako aukera, helbide honetan: labur.eus/K8t52. Legarretak aditzera eman duenez, dagoeneko 100 ale baino gehiago erreserbatu dituzte herritarrek, eta 150-200 ale ingurukoa izango da tirada. Argazkilariak azaldu du, «argitaratu gabeko irudi biziez gain, diseinu ederra eta soinu banda ere» izango dituela argitalpenak.