Hileroko hitzorduari eutsiz, gaur egingo dute Bigarren Eskuko Azoka Hernanin, hileko bigarren larunbata izanik. Printzipioz, Urbieta kalean jarriko dituzte postuak, goizeko 10:00etan hasi eta eguerdiko 13:30ak arte, eguraldia lagun izatea espero delako. Euria egingo balu, Atsegindegira mugituko lukete, ohi bezala.
Postu ugari izango dira azokan, eta mota guztietako bigarren eskuko produktuak eskuratzeko aukera izango dute herritarrek: arropa, pitxiak, poltsak, liburuak, etxetresnak, apaingarriak, jostailuak...