Unax Uralde hernaniarra bosgarren izan zen, Orioko zortzikoarekin, Sevillan jokatu zen Espainiako Aulki Mugikorreko Arraunketa Olinpikoko Txapelketan, ekainaren 21etik 23ra. Orioko Arraun Elkartearekin, jubenil mailan, hartu zuen parte.
Eguraldia izan zen aurkaririk haundiena, tenperatura 30°-tatik nekez jaisten baitzen. Finala 12:30etan jokatu zenez, termometroek une horretan 38°-ko tenperaturak markatzen zituzten.
Ezin izan zuen iaz kadeteetan lortutako brontzezko domina hobetu, baina argi utzi digu datorren urtean berriro ere podiumera igo ahal izateko lanean jarraituko duela.