Uztailarekin batera, dagoeneko ezarri dituzte aste honetarako garbigune mugikorraren egunak eta tokiak. Gaur, zikuñaga auzoko 3 zenbakian egongo da. Bihar eta etzi, berriz, Etxeberri auzoko Politena parkean. Ostiralean eta larunbatean, Zinkoenea plazako olio makinaren ondora mugituko da garbigune mugikorra, eta igandean, Montebideo kalean jarriko dute, Mañe i Flaquer plazako 3 zenbakian.
Bota daitezkeen hondakinak
Ondorengo hondakin motak bota daitezke garbigune ibiltarira: margoak, barnizak, disolbatzaileak, kolak, fitosanitarioak, aerosolak eta horien ontziak; bolumen txikiko plastikozko ontziak eta buztinezko lorontziak; erradiografiak; tamaina txikiko txatarra (lapikoak, zartagiak, metalezko erretiluak, etab.); material informatikoak; fluoreszente bonbilak; etxetresna, aparailu eta jostailu elektriko/elektroniko txikiak; tinta kartutxoak eta tonerrak; apurtutako plastikozko eta egurrezko jostailuak; eta, berrerabiltzeko jostailu eta jolasak.