Lau Eltzekada antolatu zituen Hernani Burujabeko Zaintza Mahaiak udaberrirako, eta arrakastatsuak izan dira guztiak: «Pozez esan dezakegu espektatibak gainditu egin direla».
Elizatxon, Zikuñagan, Etxeberrin eta Antziolan egin dituzte Eltzekadak, eta 30-60 lagun inguru elkartzea lortu dute guztietan. Egitasmoren helburua bizilagunen arteko topaketak sustatzea eta espazioak eskaintzea zen, eta horiek bete direla nabarmendu dute antolatzaileek.
Eltzekaden arrakasta ikusita, gisa honetako jarduerak antolatzen jarraituko dute Hernaniko auzoetan.