San Joan jaiak amaitu diren honetan, Udaleko brigadako eta garbiketako langileek badaukate nahiko lan herriko txoko guztiak txukuntzen; herriko jaietan beti pilatzen baita zaborra kaleetako ixkinetan edota oholtza azpian; hala nola, plastikozko edalontziak, poltsak... Horretan jardun zuten atzo brigadako eta garbiketako langileak, kaleak garbitzen, eszenatokiak desmuntatzen, argiteria berrikusten edota hondatutakoa konpontzen...
