Gaur amaituko da Tilos 7 Pasa txapelketaren 13garren edizioa. Apiriletik ekainera bitartean pala partiduek izan dute nagusitasuna Tilosetako frontoian. Guztira lau kategoriek hartu dute parte eta gaur jokatuko dituzte final haundiak. Goizeko 10:00etan hasiko dira norgehiagokak, bigarren mailako palistekin: Aranak eta Luixak, Zubiriaren eta Mendigainen aurka jokatuz. Goizeko 11:00etan, nesken finalari emango zaio hasiera: Andreak eta Ixonek Sararen eta Haizearen aurka lehiatu beharko dute. Segidan, lehenengo mailako finala jokatuko dute Ramosek eta San Miguelek, Arizmendi eta Inda aurrez aurre izanik, eguerdiko 12:00ak aldera. Eta azkenik, eguerdiko 13:00etan, maila herrikoieko finala jokatuko dute Oierrek eta Arnaitzek, Rodriguezen eta Del Rioren aurka.
Finalak amaituta, Tilos 7 Pasa txapelketan parte hartu dutenak Txalaparta elkartean elkartuko dira bazkari baten bueltan, 13garren edizioari amaiera ederra emateko asmoz.
Amaitzeko, Tilos 7 Pasako antolatzaileek jakinarazi dute goiz osoan zehar egongo dela musika eta jai giroa: «giro ederra izango dugu frontoian, beraz, gerturatu finala ikustera».