Asteazkenean jokatu zen Aralar Tabernako XXXVIII. Mus Txapelketako finala. Gaueko 21:00etan hasi ziren partidak, hirugarren eta laugarren sailkatuekin. Andres Kortadik eta Joxe Mari Monroyk osatutako bikoteak lortu zuen garaipena, Jose Luis Ruizen eta Javier Olearen aurka (4-3). Musean aritzeaz gain, bertaratutakoek Marsel Magoaren emanaldiaz gozatzeko aukera paregabea ere izan zuten, eta emanaldia amaituta, gaueko 23:00ak aldera jokatu zen final haundia.
Finalean aritu ziren Gorka Lekuona eta Inhar Oskoz, Iñaki Arizkorretaren eta Martin Ansaren aurka. Hasieratik Lekuona eta Oskoz gailendu ziren (2-0). Ondoren Arizkorretak eta Ansak 2-2 berdintzea lortu zuten, baina Lekuonak eta Oskozek aurrea hartu zieten berriro (4-2). Beraz, Gorka Lekuona eta Inhar Oskoz bikote gaztea izan da aurtengo XXXVIII. Mus Txapelketako irabazlea. Bigarren postuan, gelditu ziren Iñaki Arizkorreta eta Martin Ansa; hirugarren postuan, Jose Luis Ruiz eta Javier Olea; eta laugarrenean, berriz, Andres Kortadi eta Joxe Mari Monroy.
