8 urte dituen Jare Pavón izan da 2024ko Karabelgo festen kartel lehiaketaren irabazlea. Belkara auzo elkarteko lehendakariak irabazleari, amak lagunduta, Elkar dendako opari txartela entregatu zion. Epaileek argi utzi nahi izan dute parte hartzaileek maila altua erakutsi dutela eta bakarra aukeratzea asko kostatu zaiela. «Beraz, datorren urtean berriz parte hartzera animatzen ditugu, izan ere, aurkeztutako marrazki guztiekin Karabelgo festetan erakusketa bat egitea gustatuko litzaiguke». Bukatzeko, esker hitzak elkarbanatu dituzte: «eskerrak eman nahi dizkiegu parte hartzaile guztiei eta nola ez Elkar enpresari bere laguntzagatik».