San Joan festekin batera Udaleko zerbitzuen ordutegiak aldatu egingo dira. Datorren astetik aurrera, udako ordutegia izango du Hernaniko Harrera Zerbitzuak (HHZ): astelehenetik ostiralera, 08:00etatik 14:00etara. Arratsaldetan, beraz, itxita egongo da iraila arte.
Kulturarteko Plaza Feministak ere udako ordutegia izango du ekainaren 29tik irailaren 6ra. Goizez bakarrik egongo da harrera irekita (09:30-14:00) eta larunbatetan, itxita egongo da.
Udal kiroldegiak ere ordutegi berezia izango du udan: uztailean, astelehenetik ostiralera 06:45-22:00; larunbatetan 09:00etatik 20:30etara eta, igande eta jai egunetan 08:30etik 13:30era.
Abuztuan, astelehenetik ostiralera 08:00etatik 20:30etara eta asteburuetan eta jai egunetan, 08:30etatik 13:30etara.
Liburutegian, berriz, ordu erdi beranduago irekiko dute arratsaldetan ekainaren 26tik aurrera eta larunbatetan itxita egongo da (urria arte). Beraz, hauxe izango da astelehenetik ostiralera, liburutegiaren ordutegia: 09:00etatik 14:00etara eta 16:30etatik 20:00etara.
Gogoratu, ekainaren 24 eta 25ean udal zerbitzuak itxita egongo direla.