Ostegunean, urtero moduan, Hernani urtekaria aurkeztuko du Udalak herritarren aurrean, arratsaldeko 18:30etan udaletxeko areto nagusian. Aurkezpenaren aurretik, Udalak aurreratu du, aurten, 10 artikuluk eta herriko kronikak osatzen dutela urtekaria, eta artikuluek Hernaniri lotutako hainbat gairi heldu diote; hala nola, Hernaniko ibilbide moreak (Ixiar Pagoaga eta Maialen Apezetxea); Aitziber Blanco prozesu erreparatzailetako bidelagunari elkarrizketa (Irati Sarasua); erraldoiak eta buruhandiak (Xabier Iriarte); Gipuzkoako armarria (Beñi Agirre); Hernani Burujabe (Mikel Valero); Ainitze Blanco Hernaniko Gizarte Berrikuntzako zuzendariari elkarrizketa (Libe Murua); Hernanin artoak eta errotagintzak izandako eragina (Olatz Arca); Astigarragako Gure Izarra futbol taldean aritutako hernaniarrak (Joxan Ruiz, Martxel Ruiz, Mikel Ruiz eta Martin Isasa); Putxuzar iturburua (Iñaki Sanz-Azkue) eta Bigarren Gerra Karlistari buruzko oharrak. Udalak jakinarazi du, artikulu horietako zortzi euskaraz idatzita daudela eta bi, aldiz, gazteleraz.
Ostegunean, beraz, herritarren aurrean aurkeztuko dute Hernani urtekaria, eta bertaratzen diren herritarrei, urtekaria banatuko zaiela nabarmendu du Udalak. Bertaratzerik ez dutenek, ostiraletik aurrera Herritarren Harrera Zerbitzuan (HHZ) eta Biterin eskuratu ahal izango dute alea.