Hernaniko artista gaztetxoek azken hilabeteetan egindako lana plazaratu zuten atzo arratsaldean. Preludio txikiaren XXIII. edizioa izan zen atzokoa, eta jende ugari bertaratu zen Atsegindegira, herriko ikasle eta musikarien eskaintzaz gozatzera.
Hamabost abestiko kantutegiarekin osatu zuten kontzertua, berritasunak eta klasikoak uztartuta. Emanaldia koloretsua izan zen, eta publikoak harrera beroa egin zien oholtzako kideei.
Aratzeko, Langileko, Elizatxoko eta Urumeako ikasleez gain, Hernaniko Musika Eskola Publikoko ikasleak eta Herburu konpartsako kideak aritu ziren bertan.
Zuzendari lanetan, berriz, Musika Eskolako irakasleak aritu ziren; Amaia Aldalur, Iñaki Eguren, Maribel Insausti eta Roberto Pacheco.
