Gaur egingo dute Xalaparta Elkarteko 42. urteurrenaren ospakizun bazkaria. Egun berezia izango da bertako bazkideentzat, baita Luis Llopis Portugal entrenatzailearentzat ere; izan ere, gaurko eguna baliatuko dute Llopis Hernaniar Bikain izendatzeko.
Pasa den otsailean iragarri zuen Xalapartako zuzendaritzak nor izango zen aurtengo omendua, eta orduko hartan azaldu zuten Llopis hautatzearen zergatia: «Munduko atezainen entrenatzaile onenetako bat da, eta ibilbide izugarria osatzen ari da».
Egun, Real Madrid taldeko atezainen entrenatzailea da Llopis, eta denboraldi bikaina osatu ondoren (Espainiako Liga eta Championsa irabazita) jasoko du gaurko saria. Ekainaren 8an Kronikari eskainitako elkarrizketan aitortu zuen oso berezia dela Hernaniar Bikaina saria beretzat: «Ez dut hitzik. Ilusio haundia egiten dit eta errekonozimenduagatik oso pozik nago. Maila goreneko titulu asko lortu ditut, baina etxeko sari hau bete-betean iristen zait bihotzera eta oso zoriontsu egiten nau».
HERNANIAR BIKAINA XALAPARTAREN 42. HERNANI GAUR 14:00 Luis Llopis omenduari harrera 'Agur Jaunak eta Andreak' abestiarekin. Ondoren, agurra dantzatuko diote. 14:15 Bazkaria Xalaparta elkartean. 16:45 41. Mus Txapelketako sari banaketa ekitaldia. 17:00 'Hernaniar Bikaina' saria emango diote Luis Llopis Portugal hernaniarrari. |
HERNANIAR BIKAINAK 1988 Joxe Mari Garin |