Polaina anaiak garaile, mus txapelketan

Dagoeneko amaitu da Santa Barbara Elkarteko mus txapelketa, bi hilabetez martxan egon ostean, eta antolatzaileek aitortu dute giro ederra sortu dela. Aurten gainera, iaz baino jende gehiagok hartu duela parte adierazi dute, 24 bikotek hain zuzen ere. 
Txapelketako irabazleak Ander Polaina eta Asier Polaina anaiak izan dira, eta txapeldunordea, berriz, Bittor Loran eta Dani Plaza. 
Pasa den ostiralean, txapelketako lehenengo zortzi sailkatuentzat afaria antolatu zuen Santa Barbara elkarteak, eta horrekin batera sari banaketa ere egin zen eta ondorengoak eraman dituzte sari gisa etxera: Lasa anaien gazta bana, hainbat sagardotegitako sagardoa eta Errioxako ardoa.
Amaitzeko, Santa Barbara elkarteko kideek eskerrak eman nahi dizkiete parte hartu duten guztiei, «eta modu batera edo bestera txapelketa aurrera ateratzen lagundu dutenei».