Prestaketarako azkeneko estropada jokatu zuen Hernaniko 'Maialen' traineruak, larunbatean Lekeition. Zortzi traineru aritu ziren emakumezkoetan, Lekeitioko XIII. Ikurriñaren lehian, eta zazpigarren sailkatu zen Hernani, 11:59 denborarekin. Aurreko estropadan baino gertuago izan zituen aurrenekoak. Hondarribia nagusitu zen 11:17 denborarekin; Zumaia izan zen bigarren, segundu bakarrera; eta Hibaika hirugarren (11:32).
San Juan (11:34), Kaiku (11:38) eta Ondarroa (11:45) izan zituen aurretik 'Maialen'ek, eta Deustu (12:30) gainditu zuen nabarmen.
Orain, azkeneko entrenamendu saioak egingo dituzte hernaniarrek, ETE Ligari ekiteko.