Ate irekien bi saio antolatu ditu Hernaniko Arraun Elkarteak, aste honetarako. Etzi izango da aurrenekoa, asteazkenez; eta ostiralean bigarrena. Arratsaldez egingo dituzte biak, 17:00etatik aurrera, Arraun Elkarteak Elorrabin daukan egoitzan.
Saioak irekiak dira «arraun mundua ezagutu eta arraunean aritu nahi duen edozein gazterentzat», eta neska-mutil guztiei luzatu diete probatzeko gonbitea.
Ate irekien saioetan parte hartzeko, hori bai, aldez aurretik eman beharko da izena. Emailez egin daiteke, hernani.arrauna@gmail.com helbidera idatzita. Informazio gehiago jasotzeko ere, bide bera baliatu daiteke.