Mohamed Farajallah ekintzaile palestinarraren hitzaldia izango da Hernanin etzi, asteazkenez, Gernikatik Palestinara Hernani herri ekimenak antolatuta. Arratsaldeko 19:00etan eskainiko du hitzaldia Farajallahk, Hernaniko udaletxeko areto nagusian, gaztelaniaz.
Palestinako okupazioa izango du hizpide, Euskal Herrian bizi den ekintzaileak. Besteak beste, jorratuko ditu okupazioaren historia, palestinarren eguneroko bizitzaren zertzeladak, apartheiden ezaugarriak... Zenbait kontzeptu ere argituko ditu hitzaldian; besteak beste, sionismoa eta antisemitismoa. Bertaratutakoen zalantzei eta galderei ere erantzungo die.