2024-2025 ikasturteari begira, gaur zabalduko du aurrematrikula egiteko epea Hernaniko Udal Euskaltegiak. Internet bidez egin daiteke izenematea, udaleuskaltegia.hernani.eus webguneko izenemate orria bete eta emailez bidalita euskaltegi@hernani.eus helbide elektronikora; edota Udal Euskaltegian bertan (Karobieta 63), astelehenetik ostiralera, goizeko 09:30etatik 13:30etara.
Ekainaren 21era arte izango da aurrematrikula egiteko aukera, eta epe horretan izena ematen dutenek, %5eko deskontua izango dute.
Ikasturteko eskaintzari eta aurrematrikulari buruzko informazio gehiago jaso nahi dutenek, telefonoz deitu dezakete Udal Euskaltegira (943 33 18 96), edo emailez idatzi euskaltegi@hernani.eus helbidera.