Belkara Auzo Elkarteak antolatuta, hitzordu berezia izango da gaur Karabel auzoan, Kultur Bira ekimenaren baitan: Bidasoako erraldoi eta buruhaundien bisita jasoko dute herritarrek.
Eguerdiko 12:00etan abiatuko dira Oleta plazatik, kalejiran, Hernaniko dultzaineroekin batera. Auzoan zehar ibiliko dira, adin guztietako herritarrak festa giroan murgilduz. Hernaniar guztiei luzatu die auzora hurbiltzeko gonbitea, Belkarak.