Gaur arratsaldean eskainiko du Goiz Eguzki abesbatzak urteroko Udako kontzertua. Arratsaldeko 19:00etan hasiko da emanaldia, Goiz Eguzkiko lorategiko Gingkopean.
Aurtengoa saio berezia izango dela ziurtatu dute antolatzaileek; izan ere, Hernaniko setioaren askapenaren 150. urteurrena dela eta, garaiko gertakariak oroituko dituzte bertan: «Gerrak eragindako oinaze horrek gure herriari eman dion izaera gogorarazi nahi dugu».
Horretarako, Vinaixa Gartzia Ezeiza zuzendariak moldatutako 'Hernaniko Martxa' edo 'Ekainaren 2a' pieza abestuko dute kontzertuan.