Gaur arratsaldean jokatuko dituzte Hernaniko pelotariek Gipuzkoako Herriarteko Txapelketako final laurdeneko itzuliko partiduak. Oiartzungo Madalensoro pelotalekuan arituko dira, arratsaldeko 18:00etatik aurrera. Bertan, joanekoan eskuratutako emaitza iraultzeko premia dute hernaniarrek, 1-2 atzetik baitaude une honetan. Berdindu ezkero, 17 tantoko aldea atera behar du Hernanik.
Kadete mailan Ekhi Osesek eta Manex Alberdik osatuko dute Hernaniren bikotea; jubeniletan Xuban Iturbe eta Oihan Legarreta arituko dira; eta nagusietan Xabier Apaolazak eta Markel Lizeagak jokatuko dute.