Erroldako datuak eguneratzeko prozesua martxan jarriko du gaur Hernaniko Udalak. Horretarako, horiei buruz galdetzeko deiak egiten hasiko dira bi langile, Udalak dituen datuak «eguneratzeko, berritzeko, zuzentzeko edo zehazteko».
Deiak urtebetean zehar egingo dituzte, eta hizkuntzari dagozkion datuetan erroldan dauden hutsuneak betetzea izango da egiteko nagusia, nahiz eta beste datu batzuei buruz ere galdetu dezaketen. Horregatik, Hernaniko Udalak jakinarazi du euren izenean jasoko dituzten deiak egiazkoak direla.