Gipuzkoako Aldaola Kopa ari da jokatzen Hernaniko mutil jubenilen taldea, eta ligaxkako fasea gaindituta, semifinaletan ariko da. Gaur jokatuko du finalerako pasea, Zumarragako Urola Aranzadi taldearen kontra.
Ligaxkan Urolak multzoburu bukatu zuenez, etxetik kanpo jokatuko dute hernaniarrek: Zumarragako Ispilla kiroldegian izango da partidua, gaur eguerdiko 12:00etan hasita.
Beste semifinalean ariko dira Leizaran eta Legazpiko Karibe Zaharra taldeak. Irabazleek elkarren kontra jokatuko dute Kopako finala.
Guztira, mutil jubeniletan lau Kopa ezberdin ari dira jokatzen Gipuzkoa mailan, lurraldeko taldeak multzokatuta.