Euskadiko eta Espainiako Trinkete txapelketetan emaitza oso ezberdinak izan zituzten Hernaniko bi taldeek. Euskadikoan Hernani A eta Hernani B taldeak ez dute ligaxka pasa, nahiz eta azken jardunaldian Maitena eta Oberena B gainditu. Hernani B taldeak, Leire Galdosek eta Amaia Irazustabarrenak osatuta, berdinduta amaitu du aurreneko bi taldeekin, baina tanteoak utzi du kanpoan. Hernani A, Izaskun Arrosagarayk eta Maider Mendizabalek osatuta, hirugarren izan da B multzoan.
Espainiakoan bi taldeak finalerdietara sailkatu dira. Hernani A, Miren Goikoetxeak eta Maider Mendizabalek osatzen dute, eta Hernani B, Leire Galdosek eta Izaskun Arrosagarayk.