Bihartik asteazkenera, Hernaniko Kaxkoan urtero egiten den saneamendu sarearen garbiketa egingo da. Bihar (maiatzak 27), Kale Nagusiko saneamendu lanak egingo dira; etzi asteartean (maiatzak 28), Andre Kalean eta asteazkenean (maiatzak 29), Atzieta kalean.
Hiru egun horietan, 08:30etan hasiko dira lanak (garbiketak behar adina denbora iraungo du): Kale Nagusiko eta Andre Kaleko lanak Gudarien plazatik hasiko dira; Atzieta kalekoak, Hernani Musika Eskolaren paretik. Trafikoaren antolaketan eragina izango du: kaleak moztu eta trafikoa desbideratu beharko da, beraz, erne ibiltzeko eskatzen du Udalak.