Ekainaren 9an izango dira Europako Parlamenturako hauteskundeak; eta horiei begira, gaur bertan hasiko du kanpaina Hernaniko EH Bilduk. Kartel itsasketa egingo dute, 19:00etan Tilosetan hasita. 'Orain Errepublikak' koalizioaren baitan aurkeztu da EH Bildu hauteskundeetan, Kataluniako ERC, Galiziako BNG eta Baleareetako Ara Més alderdiekin batera.
Datozen bi asteotan, ekimen gehiago izango dira Hernanin; garrantzitsuena, ekainaren 3an: ekitaldi politikoa egingo dute, eta bertan izango dira Mario Zubiaga senataria eta Oihan Etxebarrieta legebiltzarkidea.