Bihar gauean jokatuko du Hernanik, Azkoitin, Herriarteko Txapelketaren final zortzirenetako bueltakoa. 22:00etan hasiko da jaialdia Gurea frontoian, eta joanekoan lortutako abantailari (3-0 eta 38 tantoren aldea) eutsi nahi diote hernaniarrek.
Jaialdia ikustera joateko, autobusa jarriko du CD Hernaniko Pelota Sailak, arratsaldeko 20:00etan Atsegindegitik abiatuta, Biteri aurretik. Goizaldeko 01:30etan izango da itzulera. Joan nahi duenak, gaurko egunean zehar eman beharko du izena, 21:00ak arte, whatsappez: 633 148 875. Izen-abizenak eta pertsona kopurua zehaztu beharko dira, eta 10 euro dira bakoitzeko.